Вико Мантегаза, (Милано, 22.1.1856 – Милано, 28.10.1934) бил италијански писател, новинар, фотограф и политичар. Тој се смета за специјален италијански пратеник на Балканот од 1886 година, каде направил бројни репортажи. Бил директор на „Нацијата“ од 1894 до 1898 година.
Иако тој беше повеќе политичар и лобист одколку уметник, Мантегаза го заработува своето место во овој лексикон за неговите фотографии на луѓе од Македонија во периодот 1903/1905 година. Овие фотографии беа објавени во неговата книга “Македонија„ од 1903 година – каде тој го опишува престојот во Македонија од Март до Април 1903 година и ја опишува политичката и граѓанската состојба на Македонија пред Илинденското востание на 2 Август 1903 година. Помеѓу 1903 и 1908 година развива блиски односи со Бугарската влада, залагајќи се за бугарскиот став за македонското прашање. Ја претставува Бугарија на Експо изложбата во Милано во 1906 година без да зборува Бугарски јазик.
Се враќа во Македонија во 1908 година како дел од австро-унгарско-турскиот железнички проект за поврзување на Истанбул – Солун со воз. Пристигнува до Монастир (Битола) каде е сведок на неуспехот на реформата што ја посакуваа европските сили. Тој сфати дека европските сили нема да успеат да го решат македонското прашање ниту со принцип на едно-националност, ниту со принцип на ампутација од отоманската империја. Го опишува своето гледиште за македонското прашање во книгата Либерална Турција и балканските прашања (ibid. 1908).
